Openbaring 1 tot 3: Die Kerkeeu – Dit wat jy gesien het en nou sien

Verwys eers na die artikels [ Dit gaan alles oor geld en Lesse uit Openbaring ], indien jy dit nog nie gelees het nie.

Openbaring is die hoogtepunt van die Bybel en voltooi die sirkel in God se plan vir die mens. Ongelukkig, soos met groot gedeeltes van die Bybel, het ons vandag leraars wat eenvoudig nie opgewasse is om sinvol hieroor lering te gee nie. Openbaring is nie ‘n boek “waarvan ons niks verstaan nie en nie letterlik moet vertolk nie”. Inteendeel, die verstaan van die boek is maklik as jy die struktuur verstaan. Openbaring is ‘n boek van hoop. Ons begin hierdie week met hoofstukke een tot drie.

Hoofstuk 1

1. Dit is nie “die openbaring van Johannes” soos die opskrif van baie vertalings aandui nie maar die openbaring van Jesus Christus wat Hy aan Johannes gee, Openbaring 1:1.
2. Die doel van die boek is om aan te dui “wat gou moet gebeur”, Openbaring 1:1.
3. Dit spreek hoop uit – salig is hy wat die woorde van die profesie lees en hoor, Openbaring 1:3.
4. Johannes skryf ‘n dekbrief aan die sewe gemeentes in Asië, Openbaring 1:4. Hy noem dat Jesus
   1. ons liefgehad het; Openbaring 1:5;
   2. ons konings en priesters gemaak het, Openbaring 1:6;
   3. terug gaan kom en almal Hom sal sien, Openbaring 1:7; en
   4. die Alfa en Oméga is, Openbaring 1:8.
5. Johannes is ter wille van sy geloof verban na Patmos, ‘n Griekse eiland aan die weskus van Turkye, en ‘n Romeinse straf kamp vir politiese opponente, Openbaring 1:9.
6. Hy was besig om te bid, toe Jesus aan hom verskyn, Openbaring 1:10-11, en hom opdrag gee om sewe briewe in ‘n boek te skryf (dus het al die gemeentes al die briewe ontvang) en aan die gemeentes te stuur. Ons lei dus af dat Johannes nie alleen op die eiland was nie en dit was moontlik om die boek by die gemeentes uit te kry.
7. Hy sien hoe die verheerlikte Jesus lyk, Openbaring 1:12-17.
8. Jesus verduidelik dat Johannes nie hoef te vrees nie, en dat Hy leef, Openbaring 1:17-18.
9. Johannes se opdrag is om die volgende te (be)skryf:
   1. Dit wat hy gesien het – die sewe goue kandelaars en die sewe sterre;
   2. Dit wat nou gebeur; en
   3. Dit wat gaan gebeur – dit wat Jesus hom gaan wys, ‘n afgryslike toekoms wat ten doel het om Israel te suiwer voor die Koms van Jesus Christus, en om die ongelowige wêreld te oordeel. Sien ons studie oor Matthéüs 23-24 en Daniël 7 en 9.
10. Jesus dikteer die brief vir elke gemeente. Hy gee die positiewe en negatiewe eienskappe van elke gemeente, asook sy raad. Die briewe sou uiteindelik baie meer gemeentes bereik.
11. Die laaste brief, die een aan die gemeente in Laodicéa, is tiperend van die moderne kerk van vandag, maar ons baie leer, en op onsself toepas, van elkeen van die sewe briewe.
12. Jou selfstudie is die volgende skakel: https://www.youtube.com/playlist?list=PLPOUA7GLxXIG-Cc84xHWAB9dw25R2Og3Y. Hierdie is ‘n uitstekende reeks waar die aanbieder elke gemeente en stad bespreek en ek moedig jou aan om dit te kyk. Dit is visueel aantreklik en het baie geskiedkundige waarde. Gaan kyk dan ook hier:
    1. https://www.johnchapterthree.com/af/lesseuitopenbaring - Lesse uit Openbaring
    2. https://www.johnchapterthree.com/af/ditgaanallesoorgeld - Dit gaan alles oor geld!
    3. https://www.johnchapterthree.com/af/dieafvalligekerk - Die afvallige kerk
13. Ons gaan in meer besonderhede na die brief aan die gemeente in Laodicéa kyk.

Hoofstuk 2 en 3